Tag Archif: swayddfa archwilio cymru

Swyddfa Archwilio Cymru a Chyd-gynhyrchu

Ail-lunio gwasanaethau gyda'r Cyhoedd

Sut mae gwaith Swyddfa Archwilio Cymru yn cyd-fynd â’r agenda cyd- gynhyrchu yng Nghymru? Ar ddydd Mawrth fe wnes i fynd i Gyfarfod Cyd-gynhyrchu Mawr Ogledd Cymru! i rannu’n gwaith ni.

Cyllid

Pan ddechreuais feddwl am gyd-gynhyrchu ac archwilio, y peth cyntaf meddyliais i amdano oedd perfformiad gwasanaethau cyhoeddus. Ond fe wnes i sylweddoli bod ein gwaith cyllid ni jyst mor bwysig i gyd-gynhyrchu ar ôl i ni gynnal Seminar Dysgu a Rennir gyda Chymdeithas Trysoryddion Cymru dydd Gwener ddiwethaf. Roedd Rhwydwaith Cyfranogi Cymru Gyfan Cyfranogaeth Cymru yn cymryd lle jyst lawr y ffordd, ac er roedd y pynciau’n wahanol, roedd adroddiad Swyddfa Archwilio Cymru ar Ymdrin â’r Heriau Ariannol sy’n wynebu Llywodraeth Leol yng Nghymru yn cysylltu’r ddau gyda’i gilydd. Fel mae’r ddogfen yn dweud, “Mae ymgysylltu aneffeithiol â rhanddeiliaid yn golygu efallai na fydd rhai cynghorau’n adlewyrchu anghenion, blaenoriaethau a disgwyliadau eu dinasyddion yn ddigonol.”

Felly gall cyd-gynhyrchu helpu i arbed arian drwy ei dargedu arno feysydd ble byddai’n fwyaf effeithiol. Serch hyn, nodais i yn y digwyddiad bod angen adnoddau er mwyn i gyd-gynhyrchu fod yn wirioneddol lwyddiannus. Clywsom yn ein Seminar Dysgu a Rennir ar Drosglwyddo Tir ac Eiddo bod y defnydd gorau ddim yn cael ei wneud o asedau heb y cymorth cywir.

Cyngor 2025: Y weledigaeth ar gyfer Llywodraeth Leol yng Nghymru

Ychydig o wythnosau’n ôl, fe wnaeth Archwilydd Cyffredinol Cymru siarad yng nghynhadledd flynyddol Cymdeithas Llywodraeth Leol Cymru ar ad-drefnu llywodraeth leol. Mae’n werth gwylio’r fideo isod os da chi heb wylio fe o’r blaen, gan mae’r Archwilydd Cyffredinol yn gofyn cwestiynau pwysig – ble mae’r ddadl yng Nghymru ar ddiben llywodraeth leol? Lle mae’r modelau o ddarparu a chyflawni sy’n sicrhau bod gwasanaethau o’r ansawdd cywir ac yn rhoi’r gwerth sydd angen ar Gymru?

Edrychodd hefyd ar gyd-gynhyrchu yn llywodraeth leol Cymru:

Efallai byddwch yn cofio fy mod i wedi cynnal astudiaeth ar ymgysylltiad cyhoeddus yn llywodraeth leol ychydig o flynyddoedd yn ôl. Doedd yna ddim llawer o enghreifftiau ymarferol o ffyrdd cydweithiol o ymgysylltu. Ers hynny, dydw i ddim wedi gweld llawer o dystiolaeth o symudiad tuag at gyd-gynhyrchu, neu fel y disgrifiwyd yn aml, gweithio gyda nid i.

Y Gymru a Garem

Mae cyd-gynhyrchu hefyd yn thema yn adroddiad canol tymor Bil Cenedlaethau’r Dyfodol. Mae’r bil yn her fawr i wasanaethau cyhoeddus, gan gynnwys Swyddfa Archwilio Cymru. Yr unig ffordd gallwn sicrhau ein bod ni’n archwilio mewn ffordd sy’n ystyrlon ac yn gymesur yw trwy gyd-gynhyrchu ein hymateb gyda chynghorau. Rydyn ni eisoes wedi dechrau gwneud hyn drwy fwydo adborth o’n Seminarau Dysgu a Rennir ar Fil Cenedlaethau’r Dyfodol i’r gwaith mae Mike Palmer yn arwain arno, ac fe fydd yna mwy o gyfleoedd i chi gadael i ni wybod sut gallwn archwilio’n effeithiol.

Felly beth mae’r Gyfnewidfa Arfer Da yn gwneud i helpu?

Ni’n cynnal seminarau am ddim ar Ail-lunio Gwasanaethau gyda’r Cyhoedd er mwyn helpu gwasanaethau cyhoeddus i fynd i’r afael â hyn. Ni’n wneud beth da ni’n dweud trwy gynnal y digwyddiad ar y cyd gyda Llywodraeth Cymru, Cymdeithas Llywodraeth Leol Cymru, Cyngor Gweithredu Gwirfoddol Cymru, Gwasanaethau Cyhoeddus Cymru 2025, Gwasanaeth Gwella 1000 o Fywydau, Canolfan Cydweithredol Cymru ac Arfer Da Cymru.

Sketch notes for the Wales Audit Office and co-production presentation / Nodiadau Braslun ar gyfer cyflwyniad Cydgynhyrchu a Swyddfa Archwilio Cymru

Nodiadau Braslun ar gyfer cyflwyniad Cydgynhyrchu a Swyddfa Archwilio Cymru

Mae’n amlwg bod thema’r digwyddiad wrth ddant bobl, gan fod y digwyddiad yng Nghaerdydd wythnos nesaf yn llawn, ond mae yna rhai llefydd ar ôl ar gyfer y digwyddiad yng Ngogledd Cymru ym mis Medi.

Bydd y seminar yn edrych i rannu profiadau ymarferol o sut gall cydberthnasau gwahanol helpu i ail-lunio gwasanaethau cyhoeddus er mwyn sicrhau canlyniadau gwell. Byddwn yn defnyddio’r hashnod #ReshapeServices ar y dydd os da chi eisiau dilyn y diwrnod ar Twitter, a byddem wrth ein bodd i glywed o chi am yr hyn sy’n gweithio yn eich ardal chi.

Dyfrig

Peidiwch â phrynu caledwedd

Defnydd effeithiol o Dechnoleg Gwybodaeth

Ni gyd yn caru fe. Mae ‘na goleuadau sy’n fflachio ar galedwedd, llinellau cŵl, ac mae’n edrych yn hynod o dda wrth iddo fe hymian mewn raciau. Mae’n creu argraff ar ddieithriaid, ac mae’n dilysu ni fel arbenigwyr. Mae fe hefyd yn ddrud iawn ac mae’n cael ei danddefnyddio’n fodd anhygoel. Fe wnaeth Google (ie, y Google yna) darganfod yn y 2000au cynnar bod eu canolfannau data yn rhedeg ar 10% o’r uchafswm posibl. Mae lot o’r sector cyhoeddus yn y DU yn llawer gwaeth, gyda Swyddfa’r Cabinet yn awgrymu bod rhai ohonom yn defnyddio cyn lleied â 5% o’n hasedau mwyaf drud.

Gofynnwch i unrhyw Bennaeth Technoleg Gwybodaeth pam maen nhw’n gwario siwd gymaint ar galedwedd a byddant yn dweud “wel, bydd e ddim yn gweithio hebddo”, neu os yw’r Pennaeth Technoleg Gwybodaeth gyda MBA byddai nhw’n dweud “mae’r caledwedd yn ganolog i’n cenhadaeth”. Sy’n codi cwestiwn diddorol – pam ydyn ni’n teimlo bod angen prynu’r modd o gynhyrchu ar gyfer cyfrifiadura, pan does gennym ddim amheuaeth o gwbl amdano brynu trydan neu ddŵr?

Yn ôl ym mis Medi fe wnaeth dros 60 o arbenigwyr Technoleg Gwybodaeth, a fi, cyfarfod mewn seminarau Swyddfa Archwilio Cymru yng Ngogledd a De Cymru i rannu arfer da (sef, ‘dwgyd syniadau’) a gobeithio, herio eu rhagdybiaethau. Rwy’n hoffi her dda i’m rhagdybiaethau, ond fe wnaeth yr amheuon o amgylch Cyfrifiadura Cwmwl dim jyst herio fy rhagdybiaethau ond eu mygio!

Cloud Computing / Cyfrifiadura Cwmwl

Roedd ‘na lot o resymau yn cael eu rhestri amdano pam dylai chi ddim mabwysiadu’r cwmwl. Mae diogelwch. Bydd pawb yn gallu cyrchu eich data. Mae’r rheoliad, ac fe fydd Americanwyr yn arestio eich Prif Weithredwr ……. ond wedyn, does ‘na ddim goleuadau yn fflachio oes ‘na? Dyw hyn o reidrwydd yn wir. Wrth gwrs gallwch greu llanast o faterion diogelwch ar y cwmwl yn yr un ffordd a gallwch adael eich diogelwch mewn hash os da chi’n trio, ond does dim rheswm go iawn pam dylech.

Rwy’n hoffi cyfrifiadura hawdd. Rwy’n hoffi darparu gwasanaeth sydd jyst yn gweithio. Dydw i ddim eisiau rhedeg canolfan data yn yr un ffordd dydw i ddim eisiau rhedeg gorsaf bŵer neu reoli cronfa ddŵr. I mi, mae Cyfrifiadura Cwmwl yn cynnig cyfle i brynu’r faint dymunaf, pryd mai’i angen arnaf. Dim mwy o le nag sydd angen.

Dyw e ddim yn hawdd i ni fel proffesiwn. Ni’n tueddu i feddwl amdano Dechnoleg Gwybodaeth fel ymarfer mewn rheoli caledwedd, yn hytrach na gwasanaeth i gwsmeriaid.

Dyma ymarfer i chi. Dychmygwch fod eich Prif Weithredwr wedi gwahardd prynu unrhyw beth corfforol o gwbl. Mae’n hawdd prynu’r ddarpariaeth o weinydd trwy’r cwmwl (ac yn wir, yn hawdd ar gyfer y sector cyhoeddus drwy G-Cloud), cysylltedd â wal dân – tic, meddalwedd fel gwasanaeth – tic, dyfeisiau defnyddwyr? Mae hwn yn fwy o broblem, ond gallai strategaeth BYOD da datrys hynny. Yn wir, os oes ganddo’ch signal ffôn symudol da (a gallwch hyd yn oed ffeindio ffordd o amgylch hynny), does dim angen rhwydwaith yr adeilad arno’ch chwaith.

Wrth gwrs, does dim lot mewn bywyd yn syml, a dyw hwn ddim yn syml chwaith. Ond mae’n werth ystyried , ‘Faint byddai fe’n costio fi os dydw i ddim yn uwchraddio hon, ond yn hytrach yn ei brynu fel gwasanaeth ar-lein yn lle?’

Mae’n costio llawer i gadw pob un o’r gweinyddwyr yn gynnes, wedi’i bwydo, eu hanwesu a’u caru. Efallai bod hyn yn swnio fel heresi, ond gallech chi wneud yn well, yn rhatach, ‘da llai o ymrwymiadau os ‘da chi’n  prynu’r gwasanaeth trwy’r cwmwl?

Dim bod da fi obsesiwn bach neu unrhyw beth, ond ar 13 Rhagfyr byddaf yn trafod cyfrifiadura cwmwl: y chwedlau, wedi chwalu, gyda Peter Middleton o raglen G-Cloud Swyddfa’r Cabinet. Roedd 2013 yn flwyddyn allweddol ar gyfer y gwasanaeth cyhoeddus, yn flwyddyn dyngedfennol wrth gydnabod na allwn barhau i ddarparu o dan y model presennol. Rhaid i ni fod yn fwy craff, yn fwy cydweithredol, yn rhatach, ac yn syml yn well yn yr hyn ni’n gwneud. Amser i chwalu rhai o’r chwedlau.

– Evan Jones, Llywodraeth Cymru