Dadfentora 3: Meddylfryd digidol ac ymddiriedaeth staff

Mae Dyfrig Williams yn edrych nôl dros drafodaeth gyda Kelly Doonan o Gyngor Sir Dyfnaint yn y blogbost diweddaraf mewn cyfres ar Ddadfentora LocalGovDigital.

Pan mae’r Archwilydd Cyffredinol Cymru yn agor ein seminarau dysgu ar y cyd, mae’n annog cymryd risgiau sydd wedi’u rheoli’n dda, gan na fydd gwasanaethau cyhoeddus yn gallu parhau yn eu ffurf bresennol.

Mae Phil Rumens wedi ysgrifennu blogbost grêt ar y pum cam o drawsnewid digidol. Mae hyn yn dangos y gwerth ychwanegol o feddwl am wasanaethau o ran darpariaeth ddigidol. Rydw i wedi bod yn feddwl amdano’r cysyniad yma’n ddiweddar, felly wnaeth fy nhrafodaeth Dadfentora i gyda Kelly Doonan o Gyngor Sir Dyfnaint cymryd lle ar yr amser perffaith.

Agwedd digidol Dyfnaint

Mae Kelly wedi ysgrifennu blogbost gwych sy’n amlinellu pam y dylai ni cyhoeddi gwybodaeth ar-lein mewn ffordd wahanol i gyfryngau print traddodiadol. Mae hi hefyd wedi rhoi enghraifft wych o sut maen nhw wedi rhoi’r syniad yma ar waith ar ôl iddynt gael ei ofyn i greu cyfeiriadur bapur o wasanaethau lleol ar gyfer cyn-filwyr.

Penderfynodd y Tîm Cyfathrebu doedden nhw ddim yn gallu cefnogi hwn achos byddai’n dyddio bron ar unwaith. Mae fe hefyd yn anodd mesur effeithiolrwydd y cyfeiriadur, doedd dim cyllideb i’w ailargraffu neu ei chynnal a doedden nhw ddim wedi cynllunio ffordd o gael y cyfeiriadur i gyn-filwyr.

Llun o wefan arfaethedig Cyngor Sir Dyfnaint ar gyfer cyn milwyr

Llun o wefan arfaethedig Cyngor Sir Dyfnaint ar gyfer cyn milwyr

Roedd e’n braf clywed sut wnaeth y cyngor edrych ar sut allan nhw roi cymorth i’r prosiect yn hytrach na’i rhwystro. Edrychodd y tîm ar sut gallan nhw greu cynnyrch ar-lein gwell ar gyfer cyn-filwyr yn Nyfnaint (neu bobl sydd ar fin fod yn gyn-filwyr ac sy’n edrych i ddod i Ddyfnaint).

Fe wnaeth Kelly cyfarfod â gweithwyr proffesiynol sy’n gweithio gyda chyn-filwyr i drafod y posibiliadau, a diwygiwyd y cynllun o adborth Partneriaeth Lles y Lluoedd Arfog. Yna cynhaliwyd sesiwn gyda chyn-filwyr i ffeindio allan beth oedden nhw eisiau gwybod, sut byddan nhw’n chwilio amdano fe a sut oedden nhw eisiau’r gwefan i edrych. Fe wnaeth Kelly creu map o’r wefan a’r cynnwys, tra roedd dylunydd yn creu’r ffrâm gwifren.

Bydd fersiwn cyntaf y safle yn mynd yn fyw ar 8 Rhagfyr. Yn sydyn mae argraffiad o gyfeiriadur tymor byr wedi datblygu i fod yn gynnyrch sy’n diwallu anghenion defnyddwyr ac yn cael effaith tymor hir – gwych!

Beth wnes i rannu?

Fe wnaeth Kelly crybwyll y gwerth ychwanegol y gallai’r tîm gyfathrebu adio i waith cyfathrebu Cyngor Dyfnaint. Siaradais i am gyflwyniad yr Athro Ros Searle yn ein digwyddiad dysgu ar y cyd ar ymddiriedaeth staff. Roedd un o bwyntiau Ros ar sut all cyfathrebu mewnol da cadw ac adeiladu ymddiriedaeth o fewn gwasanaethau cyhoeddus.

Yn ôl adroddiad CIPD ar ymddiriedaeth, mae uwch reolwyr yn rhy optimistaidd o ran ymddiriedaeth gweithwyr rheng flaen ynddynt, gan nad yw 34% o staff yn ymddiried yn eu huwch reolwyr. Mae’r broblem yn arbennig o ddifrifol mewn sefydliadau sy’n fwy o faint, ac yn enwedig sefydliadau hierarchaidd ble mae staff yn meddwl bod yna gofod rhwng rheolwyr a’u staff. Mae cyfathrebu mewnol yn bwysig iawn i sicrhau nad yw diffyg ymddiriedaeth yn troi’n ymddygiad gwrthgynhyrchiol fel dwyn a thwyll. Gan fod 37% o foddhad swydd yn dod o ymddiriedaeth, mae staff sy’n gweithio i sefydliad sydd gydag ymddiriedaeth uchel yn fwy tebygol o roi mwy o ymdrech, ac yn cydweithio, recriwtio a pherfformio’n well.

Mae ymddiriedaeth hefyd yn gysylltiedig ag arloesedd. I fynd yn ôl at bwynt yr Archwilydd Cyffredinol, bydd staff yn barod i gymryd risgiau sydd wedi’u reoli’n dda os dydyn nhw ddim yn meddwl bydd eu rheolwyr yn eu cefnogi? Mae ymddiriedaeth yn allweddol ar gyfer y math o arloesi sydd angen arnom mewn cyfnod ble mae adnoddau’n dirywio.

Bara Brith Camp

Byddai’n rhannu’r negeseuon allweddol o’r digwyddiad Ymddiriedaeth Staff yn Bara Brith Camp, sy’n ddigwyddiad am ddim o’r Satori Lab er mwyn rhoi lle i barhau’r sgyrsiau a ddechreuwyd yn GovCamp Cymru. Os wnaethoch chi golli’r anghynhadledd, rydym wedi cynhyrchu Storify a fideo i grynhoi’r diwrnod.

Rwy’n gobeithio gweld chi yna – rwy’n edrych ymlaen at drafod gyda mynychwyr sut y gallwn ni helpu i wella lefelau ymddiriedaeth mewn gwasanaethau cyhoeddus yng Nghymru, ac i hybu lefelau o gynhyrchiant ac arloesedd yn y broses.

Edrych nôl dros GovCamp Cymru

GovCamp Cymru

Er doeddwn i byth wedi bod yn rhan o anghynhadledd o’r blaen, roedd gen i ychydig o syniadau o beth byddai’n digwydd fel rhan o GovCamp Cymru. Roedd gen i ddiddordeb i weld beth fyddai’n wahanol i beth rwy’n galw yn gynhadledd darlledu draddodiadol, lle mae siaradwyr yn rhannu eu barn am bwnc arbennig fel rhan o agenda sydd wedi cael ei benderfynu o flaen llaw.

Cafodd fy mhrofiad blaenorol ei droi yn wyneb i waered mewn y ffordd gorau posib. Roedd gwylio a gwrando ar bobl yn pitsio syniadau yn profiad da, ac roedd hi’n grêt i weld mynychwyr yn penderfynnu gyda’u traed am ba sesiwn i mynd i, ac i helpu i lunio a rhannu atebion.

Fe wnes i gael fy synnu ar yr ochr orau ar ba mor bell roedd pobl wedi trafaelu i fod yn bresennol, gyda mynychwyr o Gymru yn teithio o Dyddewi yn y Gorllewin a Bangor yn y Gogledd, ac roedd eraill wedi teithio o Lerpwl a Llundain o’r ochr arall i’r ffin.

Ar ddechrau GovCamp Cymru, gofynnwyd pwy oedd wedi dod i ddigwyddiad GovCamp am y tro cyntaf. Trwy ddefnyddio’r hen broses ddemocrataidd o godi llaw, roedd hyn yn wir am tua 70% o bobl. Felly cafodd unrhyw syniad bod hyn yn ddigwyddiad i’r un hen bobl ei chwalu’n llwyr.

Gwrandewch i brofiadau rhai o’r mynychwyr eraill.

[gigya src=”https://abfiles.s3.amazonaws.com/swf/audioboom_default_player_v1.swf” style=”background-color:transparent; display:block; min-width:320px; max-width:700px;” flashvars=”image_option=small&imgURL=https%3A%2F%2Fd15mj6e6qmt1na.cloudfront.net%2Fi%2F11072314%2F300x300%2Fc&link_color=%2358d1eb&mp3Author=GoodPracticeWAO&mp3Duration=117435.0&mp3LinkURL=https%3A%2F%2Faudioboom.com%2Fboos%2F2541448-andy-middleton-discusses-govcamp-cymru-andy-middleton-yn-trafod-govcamp-cymru&mp3Time=02.51pm+07+Oct+2014&mp3Title=Andy+Middleton+discusses+GovCamp+Cymru+%2F+Andy+Middleton+yn+trafod+GovCamp+Cymru&mp3URL=https%3A%2F%2Faudioboom.com%2Fboos%2F2541448-andy-middleton-discusses-govcamp-cymru-andy-middleton-yn-trafod-govcamp-cymru.mp3%3Fsource%3Dwordpress&player_theme=light&rootID=boo_player_1&show_title=true&waveimgURL=https%3A%2F%2Fd15mj6e6qmt1na.cloudfront.net%2Fi%2Fw%2F1248304″ width=”480″ height=”150″ allowFullScreen=”true” wmode=”transparent”]

[gigya src=”https://abfiles.s3.amazonaws.com/swf/audioboom_default_player_v1.swf” style=”background-color:transparent; display:block; min-width:320px; max-width:700px;” flashvars=”image_option=small&imgURL=https%3A%2F%2Fd15mj6e6qmt1na.cloudfront.net%2Fi%2F11072363%2F300x300%2Fc&link_color=%2358d1eb&mp3Author=GoodPracticeWAO&mp3Duration=99784.59999999999&mp3LinkURL=https%3A%2F%2Faudioboom.com%2Fboos%2F2541460-melys-phinnemore-discusses-the-govcamp-cymru-session-on-public-toilets-melys-phinnemore-yn-trafod-sesiwn-govcamp-cymru-ar-doiledau-cyhoeddus&mp3Time=02.55pm+07+Oct+2014&mp3Title=Melys+Phinnemore+discusses+the+GovCamp+Cymru+session+on+public+toilets+%2F+Melys+Phinnemore+yn+trafod+sesiwn+GovCamp+Cymru+ar+doiledau+cyhoeddus&mp3URL=https%3A%2F%2Faudioboom.com%2Fboos%2F2541460-melys-phinnemore-discusses-the-govcamp-cymru-session-on-public-toilets-melys-phinnemore-yn-trafod-sesiwn-govcamp-cymru-ar-doiledau-cyhoeddus.mp3%3Fsource%3Dwordpress&player_theme=light&rootID=boo_player_1&show_title=true&waveimgURL=https%3A%2F%2Fd15mj6e6qmt1na.cloudfront.net%2Fi%2Fw%2F1248334″ width=”480″ height=”150″ allowFullScreen=”true” wmode=”transparent”]

Roedd yna lot o rannu syniadau ac ymagweddau gwahanol. Gofynnodd lot o bobl i mi ‘ydych chi ar Twitter? Fe wnâi anfon dolen i chi ar beth ni’n siarad amdano.’ Felly cafodd gwybodaeth ei rhannu mewn chwinciad.

Os ydych chi’n meddwl am GovCamp Cymru fel ymgynulliad o bobl sydd eisoes o’r un ewyllys, roedd gen i ddiddordeb am ba wahaniaeth byddai’r digwyddiad yn gwneud pan fyddem ni gyd nôl wrth ein desgiau ar fore Llun. Fe wnaeth un person hyd yn oed dweud bod yna ‘dydd Sul cyntaf, a bydd cyfryngau cymdeithasol yn galluogi sgyrsiau newydd i ddechrau, ac eraill i barhau a ffynnu.’

GovCamp Cymru

Y bore canlynol fe wnes i ddarllen y trydar o dan hashnod #gccy14, ble roedd pobl yn ddiolchgar i drefnwyr a noddwyr y digwyddiad. Roedd yna hefyd tystiolaeth bod pobl yn rhannu mwy o wybodaeth a syniadau, a gofyn cwestiynau am sesiynau penodol.

A dyna ble wnes i bigo fyny mwy o wybodaeth am y sesiynau wnes i ddim mynd i. Fe wnaeth Jo Carter o’r Satori Lab pitsio am Wallgofrwydd Mawrth. Mae hi eisoes wedi blogio arno ac wedi rhannu’r allbynnau defnyddiol iawn.

Felly o ganlyniad, rydyn ni’n mynd i rannu blog Jo i helpu i hyrwyddo ei dull syml ond defnyddiol ar y mater blynyddol o wariant blynyddol. Roedd nifer o fynychwyr eraill yn meddwl hynny hefyd, felly byddwn eu safbwyntiau nhw trwy ein blog, sy’n dystiolaeth yn ei hun o effaith GovCamp Cymru.

Ena

GovCamp Cymru

GovCamp Cymru

Y blwyddyn yma bydd y Gyfnewidfa Arfer Da yn cefnogi GovCamp Cymru, sydd yn anghynhadledd i bobl sy’n gweithio mewn, neu gyda gwasanaethau cyhoeddus Cymreig. Nod y digwyddiad yw i dod â phobl at ei gilydd a gwella darpariaeth a datblygiad gwasanaethau cyhoeddus.

Mae’r Gyfnewidfa Arfer Da yn gweithio i rannu gwybodaeth ac arfer da yng ngwasanaeth cyhoeddus, felly mae hyn yn ddigwyddiad delfrydol i ni gefnogi.

Gan bod ni di cefnogi Diwrnod Hacio’r GIG yng Nghaerdydd, ni ‘di gweld beth sy’n digwydd ein hunain pan mae gan bobl sydd ‘da angerdd am eu gwaith yr amser a’r cyfle i’w wella. Cafodd lot o syniadau gwych eu datblygu yn ystod y penwythnos, gan gynnwys y defnydd o iPads i ganfod symudiad y llygaid, a gwella’r dysgu sy’n deillio o archwiliadau gwella ansawdd.

Mae ‘na anghynhadleddau ysbrydoledig wedi cael eu cynnal yn barod eleni, gyda lot o adnoddau defnyddiol yn dod o LocalGovCamp. Mae’r digwyddiad yma mewn sefyllfa da i adeiladu ar ychydig o’r dysgu ohono, achos cafodd LocalGovCamp ei noddi gan y Satori Lab, sy’n rhedeg GovCamp Cymru. Mae’r erthygl hon yn y Guardian am LocalGovCamp gan Sarah Lay yn werth darllen – a wneith yr un themâu allweddol amlygu eu hunain yng Nghymru?

Ffoto a gyhoeddwyd o dan drwydded Creative Commons gan Delweddau BlackBerry Swyddogol (https://www.flickr.com/photos/blackberryimages/8032817785/)

Ffoto a gyhoeddwyd o dan drwydded Creative Commons gan Delweddau BlackBerry Swyddogol

Ar dudalen Esbonio GovCamp Cymru, mae ‘na ychydig o wybodaeth am sut gallai pobl cynnig sesiynau. Fe wnai dechrau meddwl am faterion rydw i wedi dod ar draws yn fy ngwaith i. Tybed os fydd unrhyw un yn cyflwyno sesiynau ar gydweithio (fel wnaeth Glen Ockso blogio amdano i We Love Local Government) neu awgrymiadau digidol ar gyfer cynghorwyr (gan Dave McKenna o Abertawe) fel yn LocalGovCamp?

Mae ‘na hefyd ychydig o blogiau grêt yn myfyrio ar natur y digwyddiad, gyda dadl ddefnyddiol ynghylch sut mae’r digwyddiad yn diwallu anghenion y sector. Mae Phil Jewitt wedi ysgrifennu blogbost ar ’ba mor ganolog mae’r cyd-destun digidol i LocalGovCamp, ac mae Kate Bentham wedi pendroni amdano os ddylai hi ‘di mynd. Mae’n wych i weld ymagwedd mor agored, tryloyw a pharchus tuag at adborth a dysgu.

Gyda’r oes ‘ma o lymder a sawl “graph of doom”, ni’n cael ein hatgoffa’n gyson bod gwasanaethau cyhoeddus yn wynebu heriau anferth. Os oes rhaid i wasanaethau cyhoeddus newid i gwrdd â’u hanghenion, yna ni allwn ddisgwyl i ddigwyddiadau cynorthwyol i aros yr un fath chwaith. Mae’r digwyddiad yma’n digwydd ar adeg bwysig, ac rydym yn edrych ymlaen i weithio ‘da chi gyd i wella gwasanaethau cyhoeddus yn GovCamp Cymru.

Dyfrig