Tag Archif: Diwrnod Hacio’r GIG

Diwrnod Hacio’r GIG: ‘If This Then That’ ar gyfer y gwasanaeth iechyd

Grŵp Dr. Keith Grimes /  Dr. Keith Grimes' group

Mae Keith Grimes yn feddyg teulu mewn canolfan ‘galw i mewn’ yn Eastbourne. Nododd ei grŵp comisiynu bod pobl yn mynd i adran Damweiniau ac Achosion Brys yr ysbyty lleol pan oedd apwyntiadau ar gael yn eu meddygfa.

Mae Keith a chyd-aelodau ei grŵp wedi dod at ei gilydd yn Niwrnod Hacio’r GIG i greu Gwyb, sy’n deillio o ‘gwybodaeth’. Nod Gwyb yw bod yn ‘If This Then That’ (a all gychwyn ystod o gamau gweithredu sy’n seiliedig ar weithred ar-lein) ar gyfer gofal meddygol neu gymdeithasol. Mae’n bennaf yn system hysbysu sy’n caniatáu i gleifion a chlinigwyr i greu rheolau sy’n galluogi camau gweithredu awtomatig i gymryd lle os mae claf yn mynd i adran Damweiniau ac Achosion Brys neu wasanaethau eraill.

Mae hyn yn gyffrous ar lot o lefelau. Os bydd claf yn mynd i adran Damweiniau ac Achosion Brys, gallai Gwyb hysbysu’r meddyg teulu fel bod nhw’n gallu cysylltu â’r claf a dod â nhw at y feddygfa er mwyn cael cymorth cyflymach a mwy priodol.

Grŵp Dr. Keith Grimes yn Niwrnod Hacio'r GIG /  Dr. Keith Grimes' group  at the NHS Hack DayGallai’r system hefyd sicrhau bod yr adran yn derbyn manylion am hanes meddygol y claf yn awtomatig, fel bod anghenion y claf yn cael eu hadnabod mor gyflym ac mor effeithlon â phosibl.

Os bydd claf yn derbyn gofal lliniarol, gallai’r system hefyd roi gwybod i’r tîm hosbis, fel bod y claf yn gallu derbyn ymateb personol sy’n seiliedig ar eu hamgylchiadau personol.

Fel lot o syniadau da, mae cynnwys y claf yn y cynllunio wedi ychwanegu gwerth enfawr i’r gwaith. Mae cleifion wedi awgrymu ffyrdd eraill gallai’r system fod yn effeithiol. Er enghraifft gallai hysbysu  perthynas agosaf y claf, neu gallai anfon copi o’u cyfarwyddeb ymlaen llaw i’r ysbyty. Mae cynnwys y claf wrth setio fyny’r system yn golygu ei bod nhw’n gallu nodi camau gweithredu ei hunain. Ei chaniatâd nhw sy’n creu’r rheolau.

Mae hwn i gyd yn gyffrous achos gallai’r syniad cael ei ddatblygu ymhellach. Os yw’n profi i fod yn effeithiol, gellir cynnwys camau gweithredu a sbardunau bellach fel bod pethau fel pwysedd gwaed uchel y claf rhoi gwybod i’r meddyg teulu yn awtomatig.

Yn union fel gyda Diwrnod Hacio’r GIG ei hun, mae yna bosibiliadau enfawr.

Dyfrig

Diwrnod Hacio’r GIG: Delweddu Data

Data Visualisation / Delweddu Data

Mae sesiwn gyntaf Diwrnod Hacio’r GIG wedi bod yn llawn dop. Rydyn ni wedi clywed syniadau pobl, ac mae mynychwyr wedi dewis ble i roi eu hegni a’u hymdrechion. Mae’r gwaith caled wedi dechrau.

Rydw i wedi dal i fyny gyda Martin Chorley, sy’n ddarlithydd yn yr Ysgol Cyfrifiadureg a Gwybodeg ym Mhrifysgol Caerdydd. Mae’r grŵp sy’n gweithio gyda fe yn cynnwys myfyrwyr Newyddiaduraeth Cyfrifiadurol, sy’n edrych i wneud e’n haws i ffeindio a deall ystadegau iechyd ar gyfer gwahanol ardaloedd.

Bydd y data yn cael ei arddangos ar fap o Gymru. Mae’r map yn anelu i arddangos y data mewn ffordd sy’n hawdd i’w ddeall. Fe fydd yn cyfleu gwybodaeth sy’n ymwneud â materion fel rhestrau aros ar gyfer cleifion Canser, nifer y gwelyau sydd mewn ysbytai a hyd yn oed lefelau gwariant Byrddau Iechyd.

Mae’r dull yma’n cymryd ysbrydoliaeth o NHSmaps.co.uk, sy’n dangos data ar gyfer grwpiau comisiynu clinigol yn Lloegr, ond fe fydd hefyd yn ychwanegu rhagor o wybodaeth i beth sydd ar gael ar y safle.

NHS Hack Day: Data Visualisation / Diwrnod Hacio'r GIG: Delweddu DataBydd unrhyw un sy’n gweithio yn awdurdodau lleol neu’r GIG yng Nghymru yn gwybod bod ôl troed gwasanaethau cyhoeddus yn wahanol iawn. Dyw ffiniau’r Byrddau Iechyd ddim yn cyfateb yn union â ffiniau un o’r awdurdodau lleol.

Yn hytrach na gadael i hyn fod yn rhwystr, maen nhw wedi datrys y broblem trwy deilwra metadata’r gwybodaeth maen nhw’n casglu. Bydd hyn yn arwain at newid y ffiniau ar y map yn unol â ffynhonnell y wybodaeth wreiddiol. Mae hyd yn oed y posibilrwydd o arddangos y wybodaeth i lefel Ardal Gynnyrch Ehangach Haen Is.

Mae fe wedi bod yn drawiadol i weld sut mae pobl yn trafod materion sydd yn aml wedi bod yn rhwystrau wrth i ni edrych i wella gwasanaethau cyhoeddus. Mae heddiw yn brawf bod gweithio mewn ffyrdd newydd a gwahanol yn gallu arwain at atebion diddorol i hen broblemau.

Dyfrig

GovCamp Cymru

GovCamp Cymru

Y blwyddyn yma bydd y Gyfnewidfa Arfer Da yn cefnogi GovCamp Cymru, sydd yn anghynhadledd i bobl sy’n gweithio mewn, neu gyda gwasanaethau cyhoeddus Cymreig. Nod y digwyddiad yw i dod â phobl at ei gilydd a gwella darpariaeth a datblygiad gwasanaethau cyhoeddus.

Mae’r Gyfnewidfa Arfer Da yn gweithio i rannu gwybodaeth ac arfer da yng ngwasanaeth cyhoeddus, felly mae hyn yn ddigwyddiad delfrydol i ni gefnogi.

Gan bod ni di cefnogi Diwrnod Hacio’r GIG yng Nghaerdydd, ni ‘di gweld beth sy’n digwydd ein hunain pan mae gan bobl sydd ‘da angerdd am eu gwaith yr amser a’r cyfle i’w wella. Cafodd lot o syniadau gwych eu datblygu yn ystod y penwythnos, gan gynnwys y defnydd o iPads i ganfod symudiad y llygaid, a gwella’r dysgu sy’n deillio o archwiliadau gwella ansawdd.

Mae ‘na anghynhadleddau ysbrydoledig wedi cael eu cynnal yn barod eleni, gyda lot o adnoddau defnyddiol yn dod o LocalGovCamp. Mae’r digwyddiad yma mewn sefyllfa da i adeiladu ar ychydig o’r dysgu ohono, achos cafodd LocalGovCamp ei noddi gan y Satori Lab, sy’n rhedeg GovCamp Cymru. Mae’r erthygl hon yn y Guardian am LocalGovCamp gan Sarah Lay yn werth darllen – a wneith yr un themâu allweddol amlygu eu hunain yng Nghymru?

Ffoto a gyhoeddwyd o dan drwydded Creative Commons gan Delweddau BlackBerry Swyddogol (https://www.flickr.com/photos/blackberryimages/8032817785/)

Ffoto a gyhoeddwyd o dan drwydded Creative Commons gan Delweddau BlackBerry Swyddogol

Ar dudalen Esbonio GovCamp Cymru, mae ‘na ychydig o wybodaeth am sut gallai pobl cynnig sesiynau. Fe wnai dechrau meddwl am faterion rydw i wedi dod ar draws yn fy ngwaith i. Tybed os fydd unrhyw un yn cyflwyno sesiynau ar gydweithio (fel wnaeth Glen Ockso blogio amdano i We Love Local Government) neu awgrymiadau digidol ar gyfer cynghorwyr (gan Dave McKenna o Abertawe) fel yn LocalGovCamp?

Mae ‘na hefyd ychydig o blogiau grêt yn myfyrio ar natur y digwyddiad, gyda dadl ddefnyddiol ynghylch sut mae’r digwyddiad yn diwallu anghenion y sector. Mae Phil Jewitt wedi ysgrifennu blogbost ar ’ba mor ganolog mae’r cyd-destun digidol i LocalGovCamp, ac mae Kate Bentham wedi pendroni amdano os ddylai hi ‘di mynd. Mae’n wych i weld ymagwedd mor agored, tryloyw a pharchus tuag at adborth a dysgu.

Gyda’r oes ‘ma o lymder a sawl “graph of doom”, ni’n cael ein hatgoffa’n gyson bod gwasanaethau cyhoeddus yn wynebu heriau anferth. Os oes rhaid i wasanaethau cyhoeddus newid i gwrdd â’u hanghenion, yna ni allwn ddisgwyl i ddigwyddiadau cynorthwyol i aros yr un fath chwaith. Mae’r digwyddiad yma’n digwydd ar adeg bwysig, ac rydym yn edrych ymlaen i weithio ‘da chi gyd i wella gwasanaethau cyhoeddus yn GovCamp Cymru.

Dyfrig

303 Eiliad

Ar bnawn dydd Gwener olaf mis Ionawr fe wnaeth grŵp o bobl dod i Swyddfa Archwilio Cymru yng Nghaerdydd i roi cynnig ar rywbeth doedden nhw ddim wedi gwneud o’r blaen…… siarad am rywbeth diddorol am 5 munud i bawb arall yn y ‘stafell.

Dyna ddiwedd y cyfarwyddiadau. Roedd y syniad wedi’i seilio’n fras ar strwythur 300 Eiliad.

Felly beth ddigwyddodd?

Wel, fe wnaeth saith person siarad am bynciau amrywiol, ond serch hynny roedd popeth yn ffitio gyda’i gilydd ac yn llifo. Fe wnaeth pawb gwneud cyflwyniadau mewn fformatau gwahanol, gan gynnwys sleidiau, fflip siart, siarad heb nodiadau, a hyd yn oed enghraifft o dechneg myfyrdod ble rydych chi’n ‘cerdded yn gyflym gyda darn o bapur’.

Roedd pawb yn meddwl roedd e’n brofiad defnyddiol, ble roedd yna rywfaint o wybodaeth a syniadau y gallan nhw roi ar waith yn bersonol neu gyda’u gwaith. Mae yna gynllun i wneud rhywbeth tebyg ymhen ychydig o fisoedd. Yn y cyfamser, dyma grynodeb byr o bob un o’r cyflwyniadau 303 eiliad (mewn geiriau pob un o’r saith cyflwynwr).

303 Seconds / Eiliad

1. Diwrnod Hacio’r GIG Caerdydd ar benwythnos 26/27 Ionawr, 2014 (#nhshd). Chris Bolton

Roedd y cyflwyniad yma yn rhedeg trwy sut wnaeth Diwrnod Hacio’r GIG Caerdydd gweithio, a hefyd syniadau ar rai o fanteision y digwyddiad a’r risgiau posibl. Mae’n bosib gellir defnyddio elfennau o’r dull gyda gwasanaethau cyhoeddus eraill. Mae Chris yn gweithio gyda’r prif drefnydd Dr Anne Marie Cunningham i edrych ar etifeddiaeth y digwyddiad a’i effaith. Cadwch lygad ar y blog yma neu blog Chris am y newyddion diweddaraf.

2. Twitter a fi. Helen Thomas

Helen yw Pennaeth Proffesiynol Therapi Galwedigaethol mewn Anableddau Dysgu ym Mwrdd Iechyd Prifysgol Aneurin Bevan. Siaradodd Helen am ei phrofiad hi o drydar yn bersonol. Yn ei geiriau hi:

“Roedd hwn yn rhan o gyflwyniad wnes i i fy Nghyfarwyddiaeth ynglŷn â mynychu Ysgol Haf Academi Cymru yn 2013. Roeddwn i’n meddwl am seicoleg dysgu gadarnhaol: deall beth sy’n gyrru chi ‘mlaen,  ac ail-grefftio bywyd, gwaith, cariad, chwarae a chyfeillgarwch o amgylch cryfderau’ch cymeriad chi.

“Edrychais ar fy nhrydar i ac fe sylweddolais i ble mae fy angerdd i, sef o amgylch defnyddwyr gwasanaethau a staff, ‘all you need is love’. Mae fe mor bwysig i fod yn angerddol am beth da chi’n wneud, ac mae hyn yn dod yn glir trwy beth rwy’n trydar ar Twitter”.

3. Cadwch symud! James Moore

Mae symud yn wirioneddol bwysig am ddau reswm:

  • Mae ymarfer corff caled yn wrtaith i’r ymennydd ac yn gwneud ni’n graffach.
  • Wrth i ni weld , clywed a theimlo’r byd o wahanol lefydd, da ni’n deall pobl eraill yn well.

Mae’r ddau beth ‘ma yn gwneud ni’n fwy llwyddiannus!

Gallwch ffeindio allan mwy am raglen Cerdded ac Ymchwilio James ar wefan Academi Cymru, neu @Explorewalk ar Twitter.

4. Ymwybyddiaeth ofalgar a dilysrwydd. Moira Morgan

I barhau ‘da’r thema o symud, fe wnaeth Moira gwneud arddangosiad go iawn o dechneg myfyrdod ‘gerdded yn gyflym gyda darn o bapur’. Sgil sy’n werth datblygu.

Mae ymwybyddiaeth ofalgar yn cefnogi dilysrwydd drwy fod yn bresennol gyda’ch cydweithwyr, teulu a ffrindiau. Mae’r dechneg amdano wybod bod hyn yn ei hun yn ddigon, a bod chi eich hun yn ddigon.

Gallwch weld sleidiau o gyrsiau Moira ar wefan Academi.

5. 5 awgrym ar gyfer Cysylltiadau Rhyngwladol. Ena Lloyd

Ers ei phlentyndod ar arfordir Ceredigion, mae Ena wedi magu uchelgais i nofio mewn cynifer o’r moroedd a’r cefnforoedd y byd ag y gallai. Mae hyn wedi arwain at deithiau epig drwy dros 50 o wledydd a dyw hi ddim wedi gorffen eto.

Gan fod Ena’n teithio ar ei phen ei hun, mae hi wedi datblygu dull o oroesi a ffynnu am pan da chi’n filoedd o filltiroedd o gartref.

Gallwch ddarllen am rai o deithiau Ena yma.

6 . Athroniaeth FISH! Jackie Parsons

Gwella diwylliant sefydliadol trwy Athroniaeth FISH! Datblygodd John Christensen yr Athroniaeth FISH! yn 1998. Mae’r athroniaeth yn seiliedig ar ei brofiad o Farchnad Pysgod Pike Place yn Seattle, Washington State, UDA.

Mae’r athroniaeth yn cynnwys:  ‘Chwarae’, ‘Bod Yna’, ‘Gwneud eu Diwrnodau’ a ‘Dewis eich Agwedd’.

Mae’r athroniaeth wedi cael ei fabwysiadu gan lawer o gwmnïau a sefydliadau er mwyn gwella gwaith tîm ac i ddatblygu  gwasanaethau cyhoeddus sy’n canolbwyntio ar gwsmeriaid.

7 . GEMAU YMADAEL. Bethan Johnson.

Y syniadau o; greadigrwydd, darganfod a llif dylanwad y seicoleg o ymgysylltu. Dyma beth sy’n ffurfio sail y dull a ddatblygwyd gan Mihaly Csikszentmihali.

Fe wnaeth e ddatblygu profiad dysgu newydd yn Budapest o’r enw GEMAU YMADAEL. Mae grwpiau o bobl yn cydweithio i ddatrys posau gweithredol yn fyw, er mwyn datblygu addysg, meistrolaeth a llif.

Roedd y sesiwn yma’n llif o gymysgedd eclectig a wnaeth darparu rhywfaint o ddysgu ymarferol roedd pobl yn gallu rhoi ar waith yn bersonol neu yn y gweithle.

Cardiff NHS Hackday #nhshd Live! Here’s a taster. | What’s the PONT

Blogbost gan Tanwen Grover, Swyddog Cyfnewidfa Arfer Da Swyddfa Archwilio Cymru gyda blas o beth wnaeth cymryd lle yn Niwrnod Hacio’r GIG yng Nghaerdydd

Tanwen Grover, Officer at the Good Practice Exchange at the Wales Audit Office gives a flavour of what’s taking place at the NHS Hack Day in Cardiff.

Cardiff NHS Hackday #nhshd Live! Here’s a taster. | What’s the PONT.

Better Learning from Quality Improvement Audits. NHS Hackday Cardiff #nhshd | What’s the PONT

Blog da gan Chris Bolton, Rheolwr Cyfnewidfa Arfer Da Swyddfa Archwilio Cymru ar Ddysgu Gwell o Archwiliadau Gwella Ansawdd yn Niwrnod Hacio’r GIG yng Nghaerdydd.

Chris Bolton, Manager of the Good Practice Exchange at the Wales Audit Office blogs Better Learning from Quality Improvement Audits at the NHS Hackday in Cardiff.

Better Learning from Quality Improvement Audits. NHS Hackday Cardiff #nhshd | What’s the PONT.

Diwrnod Hacio’r GIG: Cleifion wrth wraidd datblygiad gwasanaethau

Y grwp ar eu cyfrifiaduron / The group on their computers

Mae Rakesh Patel yn byw bywyd prysur – mae hanner ei fywyd gwaith yn cael ei wario fel darlithydd mewn addysg feddygol, a’r hanner arall fel meddyg arennol. Daeth e ‘ma trwy ei ddiddordeb e mewn addysgu a dysgu gweithwyr iechyd proffesiynol a chleifion. Pan siaradais i ‘da fe, dywedodd e “I mi, os dyw beth ni’n wneud ddim yn helpu perfformiad proffesiynol yn y GIG, neu os nad yw’n gwella’r gwybodaeth sydd gan gleifion amdano’u hunain a’u clefyd, dyw e ddim yn werth gwneud e”.

Mae Rakesh a’i grŵp wedi bod yn gweithio gyda phobl sydd â diddordeb mewn metrigau, ond maen nhw eisiau mynd tu hwnt i rifau. Dim ond atebion i’r cwestiynau da chi’n gofyn da chi’n cael o arolygon boddhad syml, felly maen nhw’n awyddus i archwilio profiad y claf yn ei gyfanrwydd, ac i dargedu ymyriadau i wella’r metrigau hynny.

Mae’r grŵp yma’n awyddus i greu safle sy’n gadael i gleifion fewngofnodi a rhannu eu profiadau. Beth sy’n allweddol yw taw’r cleifion sydd mewn rheolaeth, a nhw sy’n nodi’r digwyddiadau sy’n effeithio arnynt, er enghraifft eu llawdriniaeth gyntaf. Maen nhw’n awyddus i gadw’r safle mor syml â phosib, fel bod e’n hygyrch a bod pobl yn gallu llwytho fideos o’u ffonau clyfar. Yna bydd y safle yn cynnal llinellau amser o brofiadau pobl, ac yn dogfennu eu teithiau unigol.

Hard at work / Gweithio'n galed

Dywedodd Rakesh bod “addysg gleifion wedi cael ei leihau i ddarn o bapur gyda ffeithiau a ffigurau sydd yn aml yn ddiystyr i gleifion. Beth am ddefnyddio profiad y claf a’u gwybodaeth am eu clefyd i addysgu eraill?”

Dyma’r cwestiynau mae Rakesh yn gofyn er mwyn gwneud hynny :

Event – beth sydd wedi digwydd ?
Symptoms – pa symptomau sydd gennych?
Share –beth da chi eisiau rhannu ag eraill?
Emotion – sut mae fe’n gwneud i chi teimlo?
Nuances – beth yw’r ystyr personol i chi?
Communicate – beth ydych chi eisiau cyfleu i bobl eraill?
Experience – beth oedd e fel i chi a’ch teulu?

Gall pobl uniaethu â phrofiadau pobl eraill, ac mae’r grŵp yn gobeithio gall y safle creu a rhannu ystyr a dealltwriaeth bwerus. Mae’r safle ‘ma’n anelu i helpu pobl eraill i wneud synnwyr o ddigwyddiadau yn eu bywydau eu hunain trwy brofiadau pobl eraill.

Fel pawb rydw i wedi siarad ‘da yn y digwyddiad ‘ma, dydyn nhw ddim eisiau i’w brosiect i fodoli ar ei phen ei hun. Mae’r grŵp yn edrych i weithio ‘da grwpiau eiriolaeth gleifion a NHS Choices.

Mae wedi bod yn wych gweld cleifion mor weithgar yn Niwrnod Hacio’r GIG, fel cyfranogwyr ac fel beirniaid. Felly mae fe dim ond yn iawn fod prosiect sy’n canolbwyntio ar brofiad y claf ‘da siawns i gipio’r wobr fawr.

Dyfrig