Defnyddio dulliau cyflwyno amgen er mwyn cyflwyno gwasanaethau cyhoeddus

Wrth ymchwilio i’r digwyddiad modelau cyflenwi amgen eleni, roedd un thema gyffredin yn parhau i godi: pwysigrwydd tai saff a diogel a’r sefydliadau sy’n darparu’r gwasanaeth hwn. 

 

Mae hierarchaeth anghenion Maslow, a ysgrifennwyd ym 1943, yn nodi bod lloches yn angen dynol ffisiolegol sylfaenol, yn ogystal ag aer, dŵr a bwyd.  Nid oes dim byd llawer pwysicach na hynny.  Felly, efallai nad yw’n syndod i ni ganfod bod tai’n rhan ganolog wrth edrych ar fodelau cyflenwi gwasanaethau cyhoeddus amgen.

Ond mae’n fwy na bod darparu cartref cynnes, saff a diogel yn hanfodol bwysig i sefydlogrwydd a llesiant rhywun.  Mae’r sefydliadau amrywiol ledled Cymru sy’n cyflenwi gwasanaethau tai yn arwain y ffordd ar rai prosiectau arloesol, ataliol a chydweithredol sy’n cael effaith fawr mewn amrywiaeth o feysydd gwasanaeth.  Maent yn cyflenwi gwasanaethau a oedd, o bosibl, yn arfer cael eu cyflenwi gan gorff cyhoeddus arall neu sy’n atal galw ar gorff cyhoeddus un neu fwy o gyrff cyhoeddus; ac maent yn partneru â chyrff cyhoeddus, y trydydd sector, dinasyddion a’i gilydd er mwyn cyflenwi’r gwasanaethau hyn.  O ran Deddf Llesiant Cenedlaethau’r Dyfodol, er nad yw’n cael ei ddeddfu ganddi, mae’r sector tai’n arwain y ffordd o ran sut y dylai gael ei rhoi ar waith.

Mae sefydliadau tai mewn sefyllfa dda i ddeall anghenion eu tenantiaid, maent ‘ar garreg y drws’, ac yn bwrw ymlaen ag ystod eang o brosiectau er mwyn cefnogi eu tenantiaid.  Gwnaeth Trish Hoddinott (Melin Homes), sy’n cyflwyno gweithdy yn ein digwyddiad am raglen ysgolion, ei grynhoi i mi pan ddywedodd, “Y rhain yw ein tenantiaid yn y dyfodol ac rydym am iddynt fod yn iach, yn hapus ac yn economaidd hyfyw.”  Y math hwn o feddylfryd ataliol, hirdymor fydd yn helpu i gyflenwi’r Gymru a Garem a chyflenwi saith nod Deddf Llesiant Cenedlaethau’r Dyfodol.

Mae’r Rhaglen Lywodraethu, ‘Symud Cymru Ymlaen 2016-2021’ a gafodd ei chyhoeddi’n ddiweddar gan Lywodraeth Cymru, yn nodi cartrefi diogel fel blaenoriaeth ar gyfer Cymru Ddiogel sy’n Ffynnu.  Mae hefyd yn sôn am wella a diwygio gwasanaethau cyhoeddus ac wynebu materion drwy ffyrdd newydd o weithio, rhaglenni cydgysylltiedig a gweithio ar draws ffiniau traddodiadol.

Gyda’r seminar hon, byddwn yn dangos rhai o’r prosiectau y daethom ar eu traws yn ystod ein hymchwil ar gyfer y digwyddiad hwn.  Mae’r prosiectau hyn yn mynd i’r afael â materion gyda phobl ifanc, pobl hŷn, trais domestig, iechyd meddwl, tai â chymorth, ac mewn cymunedau gwledig.  Maent yn helpu pobl i aros yn eu cartrefi ac yn sicrhau canlyniadau gwell iddynt.  Maent yn cynnwys partneriaethau, mentrau cydweithredol a phrosiectau amlasiantaethol o’r holl sectorau.  Maent yn enghreifftio atal drwy ymyrryd.  Maent yn croesi ffiniau traddodiadol.  Fel y nododd Matt Dicks (Sefydliad Tai Siartredig), un o’n haelodau panel, “Gallai prosiectau bach a newidiadau rheng flaen i’r ffordd rydym yn cynllunio gwasanaethau sbarduno a datblygu newidiadau ar lefel strategol uwch”.

Mae pob sefydliad sy’n darparu gwasanaethau i’r cyhoedd yn wynebu llawer o heriau.  Beth yw’r ffordd orau i ni gydweithio er mwyn cyflenwi’r gwasanaeth gorau posibl i bob dinesydd?  Pwy sydd ei angen i sbarduno partneriaethau?  Pwy sydd ei angen o gwmpas y bwrdd?  Pwy sydd yn y sefyllfa orau i gyflenwi’r gwasanaeth hwnnw?  Meddwl yn wahanol am y ffordd mae gwasanaethau’n cael eu cyflenwi yw nod modelau cyflenwi amgen.

Cynhelir ein digwyddiad Modelau Cyflenwi Amgen yng Nghaerdydd ar 22 Tachwedd ac yn Llanrwst ar 7 Rhagfyr.  Cliciwch ar y ddolen er mwyn cofrestru.

Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s