Rheoli rhaglenni a phrosiectau ystwyth

Leading Programmes and Projects / Arwain Rhaglenni a Phrosiectau

Fel rhywun syth byth wedi bod unrhyw le’n agos i reoli prosiect, roedd lot i mi ddysgu o’n seminar dysgu a rennir ar Arwain Rhaglenni a Phrosiectau.

Yn ddiweddar, rydw i wedi gweld y gair ‘ystwyth’ bron ym mhobman. Roedd lot o’r trafodaethau yn GovCamp Cymru ynglŷn â sut mae Gov.UK wedi newid y ffordd mae pobl yn rhyngweithio â gwasanaethau cyhoeddus, gyda’r ddisg treth a’r DVLA yn benodol yn cael lot o ganmoliaeth. Gan fy mod i wedi dilyn datblygiad Gov.UK a’i bwriad o symleiddio sut mae pobl yn defnyddio gwasanaethau cyhoeddus ar-lein, roedd gen i diddordeb i ddysgu mwy am y dull Ystwyth a gafodd ei ddefnyddio.

Yn ffodus i mi, fe wnes i hwyluso gweithdy James Scrimshire o AdaptAgility ar Arweinyddiaeth Gwas a rheoli rhaglen a phrosiect Ystwyth. Roeddwn i wedi darllen am rai o weithdai James ar blog Chris Bolton, felly roeddwn i’n edrych ymlaen atynt. Yn anffodus doedd dim gêm o Battleships y tro ‘ma, ond roedd y gweithdy’n llawn gwybodaeth ddefnyddiol ar Arweinyddiaeth Gwas.

Roedd yna lot o dermau newydd yn y gweithdy, ond beth wnaeth taro fi oedd bod rhain yn ddatblygiadau o syniadau sydd eisoes yn cael ei ystyried fel ffyrdd newydd o ddarparu prosiectau gwasanaethau cyhoeddus. Yn y tîm arfer da, ni’n cydnabod yn glir dyw’r un dull ddim yn addas i bawb. Ond o gofio sut mae’r dull yma’n grymuso pobl, mae’n sicr yn werth edrych arno.

Un o’r pethau wnes i hoffi mwyaf amdano Arweinyddiaeth Gwas oedd y ddeinamig pŵer, gan ei fod yn rhoi anghenion pobl eraill yn gyntaf ac yn helpu iddynt ddatblygu a chyflawni’u gwaith. Mae’n groes i rôl draddodiadol y rheolwr, ble maen nhw’n cadw’r pŵer i’w hun. Wrth i mi wrando ar James yn trafod y cysyniad, fe wnaeth e daro fi ei fod wedi’i gysylltu’n agos ag ymgysylltiad da gyda staff. Mae’r dull yn adeiladu ar ysgogi staff a sicrhau bod eu lleisiau nhw’n cael eu clywed.

James Scrimshire o AdaptAgility

James Scrimshire o AdaptAgility

Rôl y Meistr Sgrym yw cael gwared ar rwystrau fel bod y tîm yn gallu diwallu amcanion y prosiect. Er doedd cyflwyniad Richard Wilson ddim ar Reolaeth Ystwyth, roedd yna gysylltiadau uniongyrchol rhwng ei bwyntiau ar yr angen i reolwyr grymuso’r gweithlu a’r athroniaeth ystwyth.

Rhag ofn eich bod chi’n meddwl bod Rheolaeth Ystwyth jyst ar gyfer prosiectau digidol, mae’r blog yma gan y Weinyddiaeth Gyfiawnder yn rhoi digon i feddwl amdano. Mae’r blogbost yma’n rhoi lot o sgôp o’i roi ar waith, o newid sefydliadol i recriwtio.

Achos dydw i ddim wedi gael unrhyw brofiad uniongyrchol o arweinyddiaeth fy hunain, helpodd y sesiwn fi i ailddiffinio fy nealltwriaeth i o arweinyddiaeth dda. Dyw arweinyddiaeth gref ddim amdano bŵer; mae fe amdano alluogi staff i wella eu rhaglenni a’u prosiectau.

Dyfrig

Ymateb

Rhowch eich manylion isod neu cliciwch ar eicon i fewngofnodi:

WordPress.com Logo

You are commenting using your WordPress.com account. Log Out / Newid )

Twitter picture

You are commenting using your Twitter account. Log Out / Newid )

Facebook photo

You are commenting using your Facebook account. Log Out / Newid )

Google+ photo

You are commenting using your Google+ account. Log Out / Newid )

Connecting to %s