Archifau Misol: Ionawr 2014

Y dyfodol o Hysbysiadau Cyhoeddus yng Nghymru: Rhan 1

Mae’n Archwilydd Cyffredinol (Huw Vaughan Thomas) wedi ein hannog ni i ddatblygu dolenni a pherthnasau bellach gyda Chyrff Archwilio ac Asiantaethau Gwelliant ledled y Deyrnas Unedig. Fel canlyniad, rydym yn cynnal seminar ar Fawrth 13eg ar sut mae Gwasanaethau Cyhoeddus Albanaidd wedi arbed arian ar Hysbysiadau Cyhoeddus/Statudol.

Gallwch chi ffeindio gwybodaeth bellach ar dudalen Rhoi Rhinwedd i’r Rhithwir ar ein wefan.

Alastair Blair

Mae Alastair Blair o Potent Mix yn siarad yn ein seminar ac yn ei flog, mae’n cysidro pa mor bwysig yw hysbysiadau papur newydd er mwyn cyfleu gwybodaeth ar ffurf rhybudd statudol i’r cyhoedd.

Cardiff NHS Hackday #nhshd Live! Here’s a taster. | What’s the PONT

Blogbost gan Tanwen Grover, Swyddog Cyfnewidfa Arfer Da Swyddfa Archwilio Cymru gyda blas o beth wnaeth cymryd lle yn Niwrnod Hacio’r GIG yng Nghaerdydd

Tanwen Grover, Officer at the Good Practice Exchange at the Wales Audit Office gives a flavour of what’s taking place at the NHS Hack Day in Cardiff.

Cardiff NHS Hackday #nhshd Live! Here’s a taster. | What’s the PONT.

Better Learning from Quality Improvement Audits. NHS Hackday Cardiff #nhshd | What’s the PONT

Blog da gan Chris Bolton, Rheolwr Cyfnewidfa Arfer Da Swyddfa Archwilio Cymru ar Ddysgu Gwell o Archwiliadau Gwella Ansawdd yn Niwrnod Hacio’r GIG yng Nghaerdydd.

Chris Bolton, Manager of the Good Practice Exchange at the Wales Audit Office blogs Better Learning from Quality Improvement Audits at the NHS Hackday in Cardiff.

Better Learning from Quality Improvement Audits. NHS Hackday Cardiff #nhshd | What’s the PONT.

NHS Hackday Cardiff #nhshd. Medical Student Work Based Placement Assessment Records

Blog da gan Chris Bolton, Rheolwr Cyfnewidfa Arfer Da Swyddfa Archwilio Cymru ar Gofnodion Asesu Lleoliad ar gyfer Gwaith i Fyfyriwr Meddygol. 

Chris Bolton, Manager of the Good Practice Exchange at the Wales Audit Office blogs on Medical Student Work Based Placement Assessment Records.

NHS Hackday Cardiff #nhshd. Medical Student Work Based Placement Assessment Records.

Diwrnod Hacio’r GIG: Cleifion wrth wraidd datblygiad gwasanaethau

Y grwp ar eu cyfrifiaduron / The group on their computers

Mae Rakesh Patel yn byw bywyd prysur – mae hanner ei fywyd gwaith yn cael ei wario fel darlithydd mewn addysg feddygol, a’r hanner arall fel meddyg arennol. Daeth e ‘ma trwy ei ddiddordeb e mewn addysgu a dysgu gweithwyr iechyd proffesiynol a chleifion. Pan siaradais i ‘da fe, dywedodd e “I mi, os dyw beth ni’n wneud ddim yn helpu perfformiad proffesiynol yn y GIG, neu os nad yw’n gwella’r gwybodaeth sydd gan gleifion amdano’u hunain a’u clefyd, dyw e ddim yn werth gwneud e”.

Mae Rakesh a’i grŵp wedi bod yn gweithio gyda phobl sydd â diddordeb mewn metrigau, ond maen nhw eisiau mynd tu hwnt i rifau. Dim ond atebion i’r cwestiynau da chi’n gofyn da chi’n cael o arolygon boddhad syml, felly maen nhw’n awyddus i archwilio profiad y claf yn ei gyfanrwydd, ac i dargedu ymyriadau i wella’r metrigau hynny.

Mae’r grŵp yma’n awyddus i greu safle sy’n gadael i gleifion fewngofnodi a rhannu eu profiadau. Beth sy’n allweddol yw taw’r cleifion sydd mewn rheolaeth, a nhw sy’n nodi’r digwyddiadau sy’n effeithio arnynt, er enghraifft eu llawdriniaeth gyntaf. Maen nhw’n awyddus i gadw’r safle mor syml â phosib, fel bod e’n hygyrch a bod pobl yn gallu llwytho fideos o’u ffonau clyfar. Yna bydd y safle yn cynnal llinellau amser o brofiadau pobl, ac yn dogfennu eu teithiau unigol.

Hard at work / Gweithio'n galed

Dywedodd Rakesh bod “addysg gleifion wedi cael ei leihau i ddarn o bapur gyda ffeithiau a ffigurau sydd yn aml yn ddiystyr i gleifion. Beth am ddefnyddio profiad y claf a’u gwybodaeth am eu clefyd i addysgu eraill?”

Dyma’r cwestiynau mae Rakesh yn gofyn er mwyn gwneud hynny :

Event – beth sydd wedi digwydd ?
Symptoms – pa symptomau sydd gennych?
Share –beth da chi eisiau rhannu ag eraill?
Emotion – sut mae fe’n gwneud i chi teimlo?
Nuances – beth yw’r ystyr personol i chi?
Communicate – beth ydych chi eisiau cyfleu i bobl eraill?
Experience – beth oedd e fel i chi a’ch teulu?

Gall pobl uniaethu â phrofiadau pobl eraill, ac mae’r grŵp yn gobeithio gall y safle creu a rhannu ystyr a dealltwriaeth bwerus. Mae’r safle ‘ma’n anelu i helpu pobl eraill i wneud synnwyr o ddigwyddiadau yn eu bywydau eu hunain trwy brofiadau pobl eraill.

Fel pawb rydw i wedi siarad ‘da yn y digwyddiad ‘ma, dydyn nhw ddim eisiau i’w brosiect i fodoli ar ei phen ei hun. Mae’r grŵp yn edrych i weithio ‘da grwpiau eiriolaeth gleifion a NHS Choices.

Mae wedi bod yn wych gweld cleifion mor weithgar yn Niwrnod Hacio’r GIG, fel cyfranogwyr ac fel beirniaid. Felly mae fe dim ond yn iawn fod prosiect sy’n canolbwyntio ar brofiad y claf ‘da siawns i gipio’r wobr fawr.

Dyfrig

Diwrnod Hacio’r GIG: Coffi, Apps a Gweledigaeth

Y grwp yn gweithio'n galed / The group hard at work

Mae ail ddydd Diwrnod Hacio’r GIG wedi dechrau, ac rydw i jyst wedi bod yn sgwrsio â Peter Davies, sy’n Ymgynghorydd mewn Diabetes yn Sandwell a Gorllewin Birmingham dros gwpl o gwpanau mawr o goffi. Teithiodd Peter i Gaerdydd er mwyn bod yn rhan o’r digwyddiad.

Roedd e’n ddiddorol clywed Peter yn siarad am sut gall digwyddiadau fel yr un ‘ma ychwanegu gwerth i’r GIG drwy gynnwys pobl yn gynnar yn y broses ddylunio.

“Os da chi ddim yn cynnwys pobl yn gynnar yn y broses glinigol, anghofiwch e, dyw e ddim yn mynd i weithio. Mae profiad o bob cwr o’r byd yn dweud os da chi ddim yn ymgysylltu â rhanddeiliaid ac yn defnyddio’u sgiliau, yna fe wnewch chi wastraffu amser ac ymdrech”.

Mae ‘na apps gwych ar gyfer gofal iechyd yn cael eu datblygu, fel yr app Futisu sy’n defnyddio camera i ganfod newidiadau mewn lliw’r wyneb er mwyn monitro cyfradd curiad y galon. Mae grŵp Peter yn ceisio datblygu un arall er mwyn helpu i wella gofal iechyd.

Luke Anderson da enghraifft o'r cardiau / Luke Anderson with an example of teh cards

Fe wnaeth Luke Anderson, Offthalmolegydd yn Ysbyty’r Heath, esbonio i mi sut maen nhw’n defnyddio cardiau i ganfod symudiad y llygaid gan blant sydd o dan 2 oed a phobl sydd ddim yn gallu lleisio. Gall hyn fod yn oddrychol gan fod e’n dibynnu ar ble da chi’n meddwl mai’r claf yn edrych. Mae’r grŵp yn edrych i greu offer sgrinio ar iPad i fesur golwg. Fe fydd e’n fflachio delweddau hwyl i ddenu’r llygaid, a bydd yr app yn gweld lle mae’r llygaid yn edrych. Os dyw llygaid y claf ddim yn edrych i ble dylai nhw fod, yna efallai mai ‘na problemau. Bydd y lluniau i gyd mewn llwyd niwtral, achos byddai gwahanol lefelau o liw yn sgiwio’r canlyniadau oherwydd byddan nhw’n denu’r llygaid yn wahanol. Bydd yr app yn rhoi lefel gywir o graffter gweledol ac yn helpu i osgoi llawdriniaeth ddiangen.

Mae’r grŵp yn defnyddio cod ffynhonnell agored o OpenCV sy’n galluogi camera’r iPad i bennu ble mae’ch wyneb, ac wedyn maen nhw’n addasu fe ar gyfer eu hanghenion. Nawr byddant yn rhannu’r newidiadau maen nhw wedi gwneud i’r cod fel gallai’r gymuned ffynhonnell agored defnyddio fe.

Dyw’r grŵp ddim yn edrych i weithio ar ben ei hun ‘da’r app ‘ma – maen nhw’n gobeithio cysylltu ‘da Open Eyes, sef cofnod gleifion electronig sy’n cael ei redeg o Moorfield er mwyn rhannu fe ymhellach.

Mae Peter yn gallu gweld sut gellir defnyddio hwn trwy ei brofiad uniongyrchol – mae’n dod ar draws cleifion sydd â phroblemau thyroid, sy’n achosi problemau gyda llygaid. Bydd e’n ddiddorol i weld sut bydd yr app yn cael ei ddatblygu ymhellach a’i symud ymlaen.

Dyfrig

Diwrnod Hacio’r GIG: Codau QR, Helmedau Beicio a Gwaith Caled

Dydd i mewn i Ddiwrnod Hacio’r GIG ac rydw i wedi gweld atebion yn cael eu cynnig i rai o broblemau’r GIG yn barod. Fel rhywun sy’n beicio i’r gwaith, roeddwn i’n frwdfrydig am y syniad o lynu codau QR ar helmedau beicio fel gall staff ysbytai cyrchu manylion meddygol sylfaenol a gwybodaeth am berthnasau agosaf cleifion.

Ffoto gan Paul Clarke,  gwreiddiol ar gael o http://www.flickr.com/photos/paul_clarke/12131990033/in/set-72157640139264593// Photo by Paul Clarke, original available at http://www.flickr.com/photos/paul_clarke/12131990033/in/set-72157640139264593/

Ffoto gan Paul Clarke, llun gwreiddiol ar gael o / Photo by Paul Clarke, original available at http://www.flickr.com/photos/paul_clarke/12131990033/in/set-72157640139264593/

Cynnigwyd y syniad gan David Rankin ar ôl i’w frawd-yng-nghyfraith dod o hyd i rywun a oedd wedi torri ei ysgwydd a’i chlun ar ochr y ffordd wrth fynydd Cwmcarn. Doeddwn nhw ddim yn gwybod ei enw e nag unrhyw beth amdano fe.

Es i draw i siarad amdano’r prosiect, ac fe wnes i ddod o hyd i Ben, David, Robyn Miller ac Alistair Ruff yn gweithio’n galed. Roedd Robyn, Ymarferydd Nyrsio Uwch ym Mwrdd Iechyd Prifysgol Aneurin Bevan, yn ymchwilio telerau ac amodau. Ar y pwynt ‘ma, roedd hi eisoes wedi siarad â’r Ymddiriedolaeth GIG Gwasanaethau Ambiwlans Cymru, ac wedi ffeindio allan byddai’n haws i staff ddefnyddio’r wybodaeth os oedd e’n gysylltiedig â mapio’r Ordnance Survey yn hytrach na GPS.

Y grwp yn gweithio'n galed / The group hard at work

Mae gan Robyn brofiad uniongyrchol o apps y GIG, gan fod hi eisoes wedi gweithio ar app hunan-asesu Oes Angen Meddyg Arnaf? Bwrdd Iechyd Prifysgol Aneurin Bevan. Mae hwn wedi helpu i fwydo syniadau am hygyrchedd i’r broses – mae fe wedi ei leoli ar y we felly mae’n hawdd ei ddiweddaru ac mae’n llwyfan annibynnol, ac mae’r botymau mawr yn ei gwneud yn hygyrch i amrywiaeth o bobl.

Fe fydd ar gael yn fuan ar http://www.Bcon.cc, ac fe fydd yn cael ei chynnal ar weinydd David yn y lle cyntaf. Mae’n rhyfeddol beth gall criw ysbrydoledig gwneud yn un prynhawn.

Dyfrig